Կարճ ժամանակում խաղաղության պայմանագրի շուրջ համաձայնության գալու համար իրական հնարավորություններ կան․ Բայրամով

Ադրբեջանի արտաքին գործերի նախարար Ջեյհուն Բայրամովը ՌԴ ԱԳՆ-ի՝ հայ-ադրբեջանական հարաբերությունների կարգավորման հարցերով հատուկ ներկայացուցիչ Իգոր Խովաևի հետ հանդիպմանը քննարկել է Երևանի ու Բաքվի միջև խաղաղության գործընթացի հեռանկարները։ Հաղորդում է ԱՊԱ-ն` հղում անելով Ադրբեջանի ԱԳՆ-ին:

Անդրադառնալով հայ-ադրբեջանական հարաբերություններին՝ Բայրամովը նշել է, որ Ադրբեջանի և Հայաստանի միջև կարճ ժամանակում խաղաղության պայմանագրի շուրջ համաձայնության գալու համար իրական հնարավորություններ կան։

Նա նաև ընդգծել է, որ ստեղծվել են բոլոր պայմանները, որպեսզի «Ղարաբաղի հայ բնակիչները բնակվեն Ադրբեջանի տարածքում՝ Ադրբեջանի օրենսդրության շրջանակներում որպես դրա քաղաքացիներ, և այդ նպատակով բացվել է նրանց վերաինտեգրման պորտալը»։