Օպերայի շենքն ու «Մայր Հայաստան» արձանը կլուսավորվեն

Երևանի Օպերայի և բալետի ակադեմիական թատրոնի շենքը, նաև՝ «Մայր Հայաստան» արձանը կլուսավորվեն։ Այս մասին այսօր՝ ապրիլի 8-ին, հայտարարվեց Երևանի քաղաքապետարանի գործակարգավարական նիստում։

Նշվեց, որ Ազատության հրապարակում կտեղադրվեն հենասյուներ, որոնց վրա՝ լեդ լուսատուներ։

«Շենքի լուսավորության հետ կապված քննարկումներ են, որ և՛ գույները, և՛ տեսքը հստակ լինեն, վերջնական եզրահանգում դեռ չունենք»,- ասաց քաղաքապետարանի շինարարության և բարեկարգման վարչության պետ Տիգրան Գեղամյանը։

Քաղաքապետ Տիգրան Ավինյանը նաև հանձնարարական տվեց «Մայր Հայաստան» արձանի լուսավորման հետ կապված. «Արձանը ոչ պատշաճ է լուսավորված»։