Թրամփն ընդդեմ անօթևանների. նոր հրամանագիր

ԱՄՆ նախագահ Դոնալդ Թրամփը գործադիր հրամանագիր է ստորագրել, որն ուղղված է ամբողջ երկրում անօթևանների ճամբարների վերացմանը և մարդկանց վերականգնողական կենտրոններ տեղափոխելուն: Այս մասին գրել է Reuters-ը:

Փաստաթուղթը Գլխավոր դատախազ Փեմ Բոնդիին հանձնարարում է չեղարկել դատական նախադեպերը և հաշտության համաձայնագրերը, որոնք տեղական իշխանություններին խանգարել են վերացնել նման ճամբարները:

Բացի այդ, դաշնային միջոցները կուղղորդվեն թմրամոլության և հոգեկան խանգարումների դեմ պայքարող ծրագրերին աջակցելու համար: Առաջնային կլինեն նաև դրամաշնորհները այն քաղաքների համար, որոնք արգելում են փողոցային թմրանյութերի օգտագործումը, ճամբարները և թափառաշրջիկությունը: