Ուկրաինայի մասին ոչինչ չի որոշվի առանց Ուկրաինայի. Ֆոն դեր Լեյեն

Եվրահանձնաժողովի նախագահ Ուրսուլա ֆոն դեր Լեյենը հայտարարել է, որ Ուկրաինայի վերաբերյալ որևէ որոշում չի կարող ընդունվել առանց Ուկրաինայի մասնակցության։

Նա նշել է, որ ներկայացվել է 28 կետից բաղկացած ծրագիր, և այն քննարկվելու է եվրոպացի առաջնորդների, ինչպես նաև G20-ի շրջանակում ներկա առաջնորդների հետ։ Ֆոն դեր Լեյենի խոսքով՝ նա կապ կհաստատի նաև նախագահ Զելենսկիի հետ՝ հարցը քննարկելու նպատակով։

«Կարևոր է մեկ հիմնական սկզբունք. մենք միշտ հետևել ենք այն կանոնին, որ Ուկրաինայի վերաբերյալ ոչինչ չպետք է որոշվի առանց Ուկրաինայի»,– ասել է նա։

Հիշեցնենք, որ ավելի վաղ Զելենսկու գրասենյակը հայտնել էր՝ Ուկրաինայի նախագահը ստացել է Թրամփի պատերազմը դադարեցնելու ծրագիրը։