Համաշխարհային տնտեսությունը կանգնած է խորացող մասնատման վտանգի առաջ. Օրեշկին

Համաշխարհային տնտեսությունը կանգնած է խորացող մասնատման վտանգի առաջ՝ պայմանավորված զարգացած երկրների կողմից կիրառվող պատժամիջոցներով, ակտիվների առգրավմամբ և այլ «անօրինական» միակողմանի միջոցներով։ Այս մասին, ինչպես փոխանցում է «Ռիա Նովոստին», հայտարարել է ՌԴ նախագահի աշխատակազմի ղեկավարի տեղակալ Մաքսիմ Օրեշկինը՝ ելույթ ունենալով G20 գագաթնաժողովում։

Օրեշկինը ընդգծել է, որ զարգացած երկրները շարունակաբար կիրառում են առևտրային արգելքներ, տեխնոլոգիական և կրթական սահմանափակումներ, ինչպես նաև պետական ակտիվների բռնագրավում, ինչը, ըստ նրա, խաթարում է գլոբալ տնտեսական կայունությունն ու համագործակցությունը։

Նշենք, որ G20 առաջնորդների գագաթնաժողովը մեկնարկել է Հարավային Աֆրիկայի Յոհաննեսբուրգ քաղաքում։