Շիրակում 2 անչափահաս երեխաների 26-ամյա հայրը կախվել է

Sputnik Արմենիայի տեղեկություններով՝ երեկ սարսափելի դեպք է տեղի ունեցել Շիրակի մարզում։ Գյուղերից մեկի գերեզմանատանը 26-ամյա մի երիտասարդ է կախվել։

Երիտասարդին կախված տեսած անձը զանգահարել է շտապօգնություն։ Ժամանած խումբն արձանագրել է, որ նա մահացած է, տեղեկությունը հաղորդել է իրավապահներին։ Ըստ որոշ լուրերի՝ երիտասարդը կախվել է հակի թելով։

Ինչպես հայտնում է լրատվամիջոցը  նա ամուսնացած էր, ուներ երկու անչափահաս երեխա, կինն էլ հղի է․ շուտով կծնվի երրորդ երեխան։

Իրավապահները պարզում են այդ ծայրահեղ քայլին դիմելու պատճառները։ Բոլոր հարցերի պատասխանները կտրվեն քննության արդյունքում։