Պեսկովը՝ Պուտինի՝ ընտրություններին մասնակցելու հնարավորության մասին

Ռուսաստանի նախագահի մամուլի քարտուղար Դմիտրի Պեսկովը, պատասխանելով հաջորդ ընտրություններին Վլադիմիր Պուտինի մասնակցության հնարավորության մասին լրագրողների հարցերին, ասել է, որ նախագահը այս թեմայով հայտարարություններ չի արել, աշխատանքն ընթանում է սովորական ռեժիմով։ Տեղեկատվությունը փոխանցում է ՌԻԱ Նովոստին:

Ավելի վաղ Ռուսաստանի Դաշնության ԿԸՀ ղեկավար Էլլա Պամֆիլովան հայտնել էր, որ Կենտրոնական ընտրական հանձնաժողովն արդեն պատրաստվում է նախագահական ընտրությունների քարոզարշավի մեկնարկին։

«Սա աշխատանքային գործընթաց է, ԿԸՀ-ն կատարում է իր գործառույթները... Դեռ վաղ է խոսել նախագահական ընտրություններին Կրեմլի նախապատրաստական ​​աշխատանքների մեկնարկի մասին, քարոզարշավը չի սկսվել, տեսնում եք՝ նախագահն ունի շատ ակտիվ գրաֆիկ և հագեցած օրակարգ»,- նշել է Պեսկովը: