Ավստրիայում միկրոավտոբուսն ընկել է կամրջից. զոհեր կան

Ավստրիայում ուկրաինացիներին տեղափոխող միկրոավտոբուսը  կամրջից ընկել է ավտոճանապարհի տակով անցնող հողատարածքի վրա։ Չորս մարդ մահացել է, այդ թվում՝ երկու երեխա, վիրավորներ նույնպես կան։

Վթարից ողջ մնացած վարորդը խոստովանել է, որ մի քանի վայրկյան քնել է։

Լեհաստանի արտաքին գործերի նախարարությունը հայտնել է, որ միկրոավտոբուսը լեհական համարներ է ունեցել, և դրանով ուկրաինացիներ տեղափոխել։  Ուկրաինայի ԱԳՆ-ն դեռ չի մեկնաբանել այս վթարը։