Չինաստանում սողանքի հետևանքով 21 մարդ է զոհվել. կան անհետ կորածներ

Առնվազն 21 մարդ է զոհվել Չինաստանի հյուսիսարևմտյան Շենսի նահանգում սողանքի հետևանքով։ Այս մասին հայտնել է Սիան քաղաքի արտակարգ իրավիճակների վարչությունը։ Եվս վեց մարդ համարվում է անհետ կորած։ 

CCTV պետական ​​հեռուստաալիքն ավելի վաղ հայտնել էր երկու զոհի և 16 անհետ կորածների մասին:

Գործակալության տվյալներով՝ միջադեպը տեղի է ունեցել օգոստոսի 11-ին Սիանից հարավ գտնվող Վեյզիպին գյուղի լեռներում։ Հորդառատ անձրեւների պատճառով տեղահանված ժայռը ավերել է երկու բնակելի շենք։ Բացի այդ, վնասվել են ճանապարհներ, կամուրջներ, էլեկտրամատակարարման օբյեկտներ, հայտնում է Deutsche Welle-ն։

Տեղական իշխանությունները որոնողափրկարարական աշխատանքներ են կազմակերպել, որոնց ներգրավել է ավելի քան 980 մարդ։ Միաժամանակ աղետի գոտում վերականգնվում են կապն ու էլեկտրամատակարարումը։