ԱՄՆ Տեխաս նահանգում ջրհեղեղ է

ԱՄՆ Տեխաս նահանգի կենտրոնական շրջանները, մասնավորապես Քեր շրջանը, ենթարկվել են ուժեղ անձրևների հետևանքով առաջացած ջրհեղեղների։

Ըստ օդերևութաբանական ծառայությունների՝ մի քանի ժամվա ընթացքում տարածաշրջանում տեղացել է 130-ից մինչև 280 մմ տեղում։

Գվադալուպե գետի ջրի մակարդակը արագ բարձրացել է 8 մետրով, ինչը հանգեցրել է ափամերձ ենթակառուցվածքների ոչնչացմանը և ջրհեղեղների։ Ջրի հոսքերը տարել են մեքենաներ, բնակելի տրանսպորտային միջոցներ և ծառեր, ինչի մասին վկայում են ականատեսների կողմից տարածված տեսանյութերը։

Իշխանությունների նախնական տվյալներով՝ բնական աղետի հետևանքով զոհվել է առնվազն 50 մարդ, այդ թվում՝ մոտ 15 երեխա։ Ավելի քան 800 մարդ տարհանվել է։

Տեխասի նահանգապետ Գրեգ Աբբոտը նահանգում հայտարարել է արտակարգ դրություն և հրամայել է ներգրավել Ազգային գվարդիայի ստորաբաժանումներին՝ փրկարարական գործողություններ իրականացնելու և հետևանքները վերացնելու համար։