Սպասվում է անձրև և ամպրոպ, հնարավոր է կարկուտ. եղանակը Հայաստանում

Հիդրոօդերևութաբանության և մոնիտորինգի կենտրոնը հայտնել է, որ Հայաստանի Հանրապետության տարածքում հուլիսի 6-ին կեսօրից հետո, 7-10-ին կեսօրից հետո, առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։

Նշվում է, որ ամպրոպի ժամանակ սպասվում է քամու ուժգնացում՝ 19-23 մ/վ արագությամբ։ Օդի ջերմաստիճանը հուլիսի 6-10-ին աստիճանաբար կբարձրանա 5-8 աստիճանով։

Երևան քաղաքում հուլիսի 6-ի երեկոյան սպասվում է կարճատև անձրև և ամպրոպ։ Հուլիսի 7-10-ին սպասվում է առանց տեղումների եղանակ։ Սպասվում է քամու ուժգնացում ամպրոպի ժամանակ՝ 17-21մ/վ, երեկոյան ժամերին՝ 15-18 մ/վ։

Մայրաքաղաքում հուլիսի 6–ի ցերեկը կլինի 26-28 աստիճան տաքություն, իսկ երեկոյան ժամերին կգրանցվի +20...22 աստիճան։