Ադրբեջանն Իրանի հետ սահմանին ստեղծում է շարժական հիվանդանոցներ

Կորոնավիրուսի տարածումը կանխելու համար Ադրբեջանն Իրանի հետ սահմանին ստեղծում է շարժական հիվանդանոցներ։ Այդ մասին «Ինտերֆաքս-Ադրբեջան»-ին հայտնել են կառավարությանն առընթեր գործող շտաբում:

«Ադրբեջանի և Իրանի սահմանային անցակետերում ՝ Ադրբեջան մուտք գործող անձանց նախնական հետազոտւթյան համար Արտակարգ իրավիճակների նախարարության շարժական վրաններից կձևավորվի փոքրիկ հիվանդանոց»,- ասված է նախարարության տարածած հաղորդագրության մեջ:

Նախնական հետազոտությունը հաջողությամբ անցնելուց հետ, եթե վիրուսի ախտանշաններ չեն հայտնաբերվի, Ադրբեջան մուտք գործող մարդիկ կկարողանան շարունակել իրենց ճանապարհն առանց խոչընդոտների: Հակառակ դեպքում վարակակիր անձանց կհոսպիտալացնեն։