Ընտրակաշառքը քթներիցդ են բերելու. Դանիել Իոաննիսյան

«Մի քանի օր առաջ ասում էի, որ տեղեկություններ ունենք, որ որոշ կուսակցություններ ընտրակաշառքը քողարկելու համար մարդկանց ձևականորեն գրանցում են որպես աշխատող (այդ կուսակցության հետ փոխկապակցված կազմակերպություններում): Այսօր, արդեն, հակակոռուպցիոն կոմիտեն հրապարակեց Մեծամորում նման մի դեպքի ձայնագրություն ու 5 հոգու ձերբակալեց»,- ֆեյսբուքյան իր էջում գրել է գրել է «Իրազեկ քաղաքացիների միավորում» հասարակական կազմակերպության հիմնադիր Դանիել Իոաննիսյանը: 


«Հարգելի հայրենակիցներ, ձեր վերցրած ընտրակաշառքը քթներիցդ են բերելու: Եթե դա չեք հասկանում, ապա ասեմ, որ ընտրակաշառք վերցնելու համար կարող եք մինչև 7 տարվա ազատազրկման դատապարտվել: Ինչ-որ տեղ ձևական գրանցվելն ու այդպես փողը ստանալը չի փրկի: Ընտրակաշառքի բացահայտման համար իրավապահները, դատարանի գաղտնի որոշմամբ, կարող են իրականացնել հեռախոսների գաղտնալսում ու բնակարանների ներքին դիտում»,- գրել է Իոաննիսյանը: