Ես ունեմ երկու դպրոցական երեխա և պատրաստ եմ իրենց դպրոց ուղարկել. Արսեն Թորոսյանը՝ կորոնավիրուսի պատճառով դպրոցները փակելու մասին

Ես ունեմ երկու դպրոցական երեխա և պատրաստ եմ իրենց դպրոց ուղարկել, որովհետև հանրային առողջապահական վտանգը բարձր չեմ համարում։ Դպրոցական երեխաները պրակտիկորեն որևէ խնդիր չունեն կորոնավիրուսի հետ, երեխաների շրջանում դեպքերը հազվադեպ են, այսօր տեղի ունեցած մամուլի ասուլիսի ժամանակ ասաց ՀՀ առողջապահության նախարար Արսեն Թորոսյանը՝ անդրադառնալով Հայաստանում կորոնավիրուսի գրանցման առաջին դեպքին։

«Մենք դեռ առիթ չենք ունեցել կառավարությունում և ԿԳՄՍ նախարարի հետ խոսելու այս թեմայով, կարծում եմ՝ օրվա ընթացքում դեռ կհասցնենք և որոշման մասին կտեղեկացնենք», - ասաց նախարարը։