Լաչինի միջանցքի ապօրինի շրջափակումը նեգատիվ ազդեցություն է ունենում խաղաղ գործընթացի վրա. Փաշինյան

«Ակնհայտ է, որ Լեռնային Ղարաբաղում խորացող հումանիտար ճգնաժամը և Լաչինի միջանցքի ապօրինի շրջափակումը նեգատիվ ազդեցություն է ունենում խաղաղ գործընթացի վրա»,- լրագրողների հետ ճեպազրույցում հայտարարել է ՀՀ վարչապետ Նիկոլ Փաշինյանը։ 

«Մենք կարծում ենք՝ ահռելի ժամանակ ենք կորցնում այս իրադրության պատճառով, այդ նույն էներգիան կարող էր ուղղորդվել խաղաղության պայմանագրի քննարկմանը ավելի շատ էներգիա ու ժամանակ տրամադրելուն»,- նշել է նա։

Ըստ խոսքով`  իրենք հիմա աշխատում են, որպեսզի իրավիճակը փոխվի Լաչինի միջանցքի բացման, Լեռնային Ղարաբաղում հումանիտար ճգնաժամը վերացնելու, Բաքու–Ստեփանակերտ երկխոսության ուղղությամբ։